Amerika şirkəti "Jeep" Detroit avtosalonunda 2024-cü model ili üçün yenilənmiş "Gladiator" pikapını nümayiş etdirib.

Valyuta.az xəbər verir ki, bu barədə motor1.com xəbər verir.

Portalın məlumatına görə, avtomobil qara radiator barmaqlığı, dəyişdirilmiş dönmə siqnalları, yenilənmiş bamperlər və işıqlar, qabaq şüşəyə quraşdırılmış gizli antena ilə təmin edilib.

İnteryerdə əvvəlki 7 düymlük ekranı əvəz edən 12 düymlük sensor ekranlı multimedia sistemi olan yeni ön panel var. Modelə səsli əmr dəstəyi və "Jeep Adventure Guides" naviqasiya sistemi də əlavə edilib.

Avtomobildə 285 at gücü hasil edən 3,6 litrlik benzin mühərriki var. Gələcəkdə "Gladiator" hibrid güc aqreqatı ilə təchiz ediləcək. 

Paşa Məmmədli