Fransanın "Renault" şirkəti Münhendə keçirilən IAA Mobility 2023 sərgisində yeni 7 yerlik yığcam MPV "Grand Kangoo" modelini təqdim edib. 

Valyuta.az xəbər verir ki, bu barədə brendin mətbuat xidməti məlumat yayıb.

Qeyd olunur ki, avtomobildə 7 ayrıca oturacaq var - 3 ikinci sırada, 2 isə qabaqda və 3 arxa sıradadır. 500 litrlik baqajı arxa oturacaqlar çıxarılaraq və ön sərnişin oturacağı aşağı qatlanmaqla 3750 litrə qədər artırmaq olar. Bu halda daşınan yükün maksimum uzunluğu 3,1 m-ə çata bilər.

Avtomobil həm 95 və 130 at gücünə malik daxiliyanma mühərrikləri, həm də 122 at gücünə malik elektrik stansiyası ilə təchiz ediləcək.

MPV "Grand Kangoo"nun satışı bu ilin sonunda başlayacaq və ilk avtomobillər 2024-cü ilin əvvəlində müştərilərə təhvil veriləcək. Qiymətlər daha sonra açıqlanacaq.

Paşa Məmmədli