ABŞ-ın avtomobil istehsalçısı "Ford" 20 ildən artıqdır ki, istehsalda olan "Escape"i "təqaüdə çıxaracaq".

Valyuta.az xəbər verir ki, bu barədə motor1.com məlumat yayıb.

Nəşrin məlumatına görə, sonuncu "Escape" krossoveri 2025-ci ildə "Ford" zavodunun konveyerindən çıxacaq. Daha sonra brend xəttində bu modeli əvəz edəcək elektromobil istehsal ediləcək.

Alıcıların marağının azalması səbəbindən "Escape"in istehsalının ​​dayandırılacağı qeyd olunur. 2023-cü ilin 2-ci rübünə olan məlumata görə, "Ford" dilerləri 64 839 "Escape" satıb. Bu, 2022-ci ilin eyni dövrü ilə müqayisədə 12,3% azdır.

Birinci nəsil "Ford Escape" 2001-ci ildə, ikincisi isə 7 il sonra bazara çıxıb. Üçüncü nəsil 2013-cü ildə debüt edib, sonuncusu isə 2020-ci ildə çıxıb 

"Escape" "Ford"un istehsalını dayandıracağı yeganə model deyil. Yaxın vaxtlarda "Edge" krossoverinin istehsalı dayandırılacaq.

Paşa Məmmədli