![](https://valyuta.az/file/articles/2024/07/11/1720687585_6b03e615-60d5-4db6-8c20-bc23ac7531e3.jpg)
“Azpulmat” və “Manato”dan götürülən kreditin üzərində nə qədər pul ödənilir?
Son zamanlar “Azpulmat” və “Manato” kimi saytlardan istifadə edənlərin sayı artıb. Bu kimi kredit verən şəbəkələrdən istifadə edənlərin sayının çoxalması kredit götürmənin asanlığı ilə bağlıdır. Belə ki, bu şəbəkələrdən kredit götürmək az zaman alır və məbləğ kart hesabına yönləndirilir.
Bəs bu şəbəkələrdən götürülən kreditin üzərində nə qədər pul ödənilir?
Valyuta.az xəbər verir ki, “Azpulmat”dan kredit götürmək istəyən şəxslər ilk dəfə istifadə edən zaman 20 manat məbləğində kredit götürə bilərlər. Bu kreditə 10 gün üçün 1,9 manat, 21 gün üçün 3,99 manat əlavə pul ödəməli olurlar. Növbəti mərhələlərdə götürə biləcəyimiz kreditin məbləği artır. Belə ki, 50 manat məbləğ üçün əlavə ödənilməli olan məbləğ 10 günə 8 manat, 21 günə 16,8 manat təşkil edir. Kredit götürülən məbləğ 100 manat olarsa, əlavə ödənilməli olan məbləğ 10 gün üçün 16 manat, 21 gün üçün 33,6 manat təşkil edir. Verilən kreditin maksimum həddi 600 manatdır ki, burada da geri ödənilməli olan əlavə məbləğ 10 gün üçün 60 manat, 21 gün üçün 126 manat təşkil edir. Kreditin ödənilməsində son tarix kredit verilən gündən etibarən 21 gün müddətində hesablanır.
“Manato” vasitəsilə kredit götürən şəxslər ilk istifadə zamanı 50 manat kredit götürə bilərlər. 50 manat kredit götürən şəxslər bu krediti 30 gün müddətində geri qaytara bilərlər. 30 gündən sonra ödənilməli olan əlavə məbləğ 10,5 manat təşkil edir. Kredit götürülən məbləğ 100 manat olarsa, 30 gündən sonra ödənilməli olan əlavə məbləğ 21 manat təşkil edir. Bu platformadan da təkrar istifadə olunan zaman kredit götürülən məbləğ artır. Belə ki, istifadəçi maksimum 1 500 manat kredit götürə bilər ki, 30 gün sonra ödənilməli olan əlavə məbləğ 315 manat təşkil edəcək. Kreditin ödənilməsində son tarix kredit verilən gündən etibarən 30 gün müddətində hesablanır.
Əvəz Həsənov
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay