Əfsanəvi baş məşqçisi Arsen Vengerin 2018-ci ildə gedişindən sonra “Arsenal” transfer bazarına xeyli vəsait xərclədi. Deklan Rays, Qabriel Jesus, Ben Vayt və Tomas Parti kimi ulduz futbolçulara yarım milyard funt-sterlinqdən çox pul xərclədi. Klub həmin müddət ərzində çox az pul qazandı. Nəticədə xalis xərcləri son beş ildə “Liverpul” və “Mançester Siti” kimi klublarınkından daha çox oldu. “Topçular”ın rekord satışı 2017-ci ildə 35 milyon funt-sterlinqə “Liverpul”a keçən Aleks Oksleyd-Çemberleyndir. “Arsenal”ın xərcləri balanslaşdırması və Maliyyə Feyr-Pleyinə sadiq qalması üçün transfer bazarına daha çox vəsait cəlb etməli olacağı ilə bağlı narahatlıqlar var.

Valyuta.az Vengerin klubdan ayrılmasından sonra satılan futbolçuların siayhısını təqdim edir.

Auston Trasti – 5 milyon funt-sterlinq

Amerikalı müdafiəçi “Topçular” üçün rəqabətədavamlı bir görünüş yaratmadan gəldi və getdi. Lakin o, kluba qazanc gətirdi. “Kolorado Rapids”dən iki milyon funt-sterlinq məbləğində ödəniş qarşılığında transfer olunmuşdu. Trasti, “Birmingem”ə keçməzdən əvvəl MLS klubuna qaytarıldı. O, sonuncu dəfə beş milyon avroya “Şeffild Yunayted”ə transfer olundu.

Lukas Torreyra – 5,5 milyon funt-sterlinq

“Arsenal”ın Vengerdən sonrakı dönəmində ilk satılan futbolçulardan biri olan Torreyranın enerjisi və əzmkarlığının onu gələcəkdə orta sahənin əsas dayağına çevriləcəyinə ümid var idi. Uruqvaylı Unay Emerinin sevimli oyunçusu olmaq üçün kifayət qədər ümidverici başlamışdı, lakin mübarizəsini davam etdirə bilmədi. O, son illərini periferiyada keçirdi. Ötən yay “Qalatasaray”a satılmadan əvvəl “Atletiko” və “Fiorentina”ya icarəyə verildi. “Arsenal” onu 21 milyon funt-sterlinq zərərlə satdı.

Pablo Mari – 6 milyon funt-sterlinq

Cənubi Amerikada parlayan nadir avropalı 2020-ci ildə Libertadores kubokundakı parlaq çıxışdan sonra “Flamenqo”dan icarə əsasında “Arsenal”a gəldi. Zədələnməsinə baxmayaraq, Edu üçün “Arsenal” 2020-ci ilin yayında 6,8 milyon funt-sterlinq ödəyərək, onun transfer hüquqlarına tam şəkildə yiyələndi. Mari “Arsenal”ın əsas heyətində yer almaq üçün mübarizə apardı. Ancaq keçən mövsüm futbolçu “Monza”ya cüzi bir itki ilə satıldı.

Kristian Bielik – 7,5 milyon funt-sterlinq

“Legiya”dan transfer olunan Bielik “Arsenal”ın heyətində bir neçə dəfə kubok oyunlarında meydana çıxdı. 2019-cu ildə “Çempionşip” təmsilçisi “Derbi Kaunti” polşalı futbolçunu 7,5 milyon funt-sterlinq müqabilində aldı. Bielik “Derbi Kaunti”də olduğu müddətdə əsasən zədələrlə mübarizə apardı və nəticədə qaçılmaz, əhəmiyyətli itki ilə “Birmingem”ə satıldı.

Matteo Gündüzi – 9 milyon funt-sterlinq

Gündüzinin “Arsenal”a transferi maraqlı gediş idi. Yarımmüdafiəçinyə olan münasibətlər Mikel Artetanı yanlış yola saldı. “Arsenal” onu icarəyə götürdükdən sonra “Marselə” satıldı və öz ölkəsində reputasiyasını bərpa etdi. Futbolçu Çempionlar Liqasının seçmə mərhələsində “Panatinaikos”la oyunda avtoqol və qaçırılan penalti ilə yadda qaldı. Uğursuzluğa düçar olmasına baxmayaraq, Liqa 1-ə qayıtdıqdan sonra Mauritsio Sarrinin "Latsio"suna icarəyə verildi.

Mett Turner – 10 milyon funt-sterlinq

Son mövsümlərdə çox qapıçılar “Emirates”ə gəlib-getdi. Ancaq, Aaron Ramsdeyl və David Raya ilə qapı dirəkləri arasında yer uğrunda mübarizə aparan Turner istədiyi şansı qazana bilmədi. Amerikalı qapıçı 2022-ci ildə “New England”dan gəldikdən sonra “Arsenal”da cəmi bir mövsüm keçirdi. O, yalnız kubok oyunlarında meydana çıxdı və heç vaxt Ramsdeyli üstələyə bilmədi. Lakin “Topçular” 4,5 milyon funt-sterlinq qarşılığında alınan qapıçıdan qazanc əldə edə bildilər. Belə ki, o, “Nottingem Forest”ə 10 milyon funt-sterlinqə satıldı. 

Qranit Xaka – 21,5 milyon funt-sterlinq

Xaka öz azarkeşlərinə söyüş söyüb kapitanlıqdan məhrum edildikdə, onun “Arsenal”da nə vaxtsa müsbət iz qoyub getməsi qeyri-mümkün görünürdü. Lakin İsveçrə millisinin üzvü heyranedici şəkildə “düşdü” və keçən mövsüm “Arsenal”ın baş məşqçisi Mikel Artetanın əsas oyunçularından birinə çevrildi. O, bu müddətdə kluba 21,5 milyon funt-sterlinq gəlir gətirdi. Xaka Xabi Alonsonun rəhbərlik etdiyi “Bayer” üçün müstəsna bir başlanğıc etdi. Arteta onu buraxdığına görə peşman olacaqmı?

Emiliano Martinez – 17 milyon funt-sterlinq

Argentinalı qapıçı “Arsenal” üçün Premyer Liqadan daha çox kubok yarışlarında çıxış etdi və 2020-ci ildə İngiltərə Kubokunu qaldırdıqdan sonra klubdan ayrıldı. Martinez müntəzəm şəkildə əsas komandada oynamq üçün ayrılıq qərarı verdi. O, Amerika Kubokunu və dünya çempionatının qalibi olmaqla Argentina millisinin əsas heyətində yer almağa layiqliyini sübut etdi. Hazırda şübhəsiz ki, “Aston Villa”nın ən yaxşı oyunçuları arasındadır. “Arsenal” onun əvəzinə Bernd Lenonu transfer etdiyinə görə peşman ola bilərdi. Ancaq hazırda klub qapıçı problemi yaşamır.

Co Villok – 25 milyon funt-sterlinq

Villok Taynsaydda yarım mövsümlük çıxışı ilə “Topçular”a danışıqlar üçün rəvac verdi. O, komandasının vacib bir hissəsi olaraq qalmasına baxmayaraq, heç vaxt eyni yüksəklikləri fəth edə bilmədi. Yaxşı oyunçudur, “Arsenal” “Hale End” məzununu 25 milyon funt-sterlinq qarşılığında transfer etdiyinə görə peşman olmayacaq.

Aleks İvobi – 35 milyon funt-sterlinq

“Arsenal”a xeyli qazanc gətirən başqa bir “Hale End” məzunu, İvobi Qudison Parkında yaxşı anlar yaşadı. Lakin o, komandasını “Çempionşip”ə düşməkdən xilas edə bilmədi. Son xəbərlər, Nigeriya millisinin üzvünü Londona qayıtmağa hazır ola biləcəyini, “Fulhem”in transfer pəncərəsi bağlanmazdan əvvəl onu heyətinə qatmaq istədiyini göstərir. 

Elmir