"Mançester Yunayted” dünya futbolunda ən çox maaş alan oyunçularla öyünür. Bəs Erik ten Haqın rəhbərlik etdiyi komandada kimlər evinə daha çox pul aparır? Bunu öyrənmək üçün rəqəmlər araşdırılıb. 

Qleyzer ailəsi klubu satmaq istəyir. Lakin çox az adam son illərdə “Mançester Yunayted”in rəhbərlərinin kifayət qədər pul xərcləmədiklərini iddia edə bilər. Ancaq klub sahiblərinin xərclədikləri vəsaitlərin “Mançester Yunayted”in Premyer Liqanın ən varlısı sayılan “Mançester Siti”yə meydan oxuması üçün nə qədər effektli olduğu haqda sual verilə bilər. Erik ten Haq son mövsümdəki nəticənin (üçüncü yer) ardından “Old Trafford”da standartları yüksəltməyə davam etmək zərurətindən danışıb.

"Düşünürəm ki, bütün səviyyələr əhəmiyyətli dərəcədə artdı və bu, lazım idi. Ancaq yenə də olmaq istədiyimiz yerdə deyilik və növbəti səviyyələrə keçməliyik. Sən həmişə öyrənirsən və hesab edirəm ki, ingilis futbolu inkişafdadır. Bu gün liqanın daha güclü olduğunu görürük. Bunu üç-dörd il əvvəlki ilə müqayisə edəndə, şübhəsiz ki, belədir. Çünki bütün güclü oyunçular, ən yaxşı məşqçilər Premyer Liqaya cəlb olunur və buna görə də inkişaf edir”.

“Mançester Yunayted” bu yay Meyson Maunt və Andre Onananı heyətinə qatıb, “Atalanta”nın və Danimarka millisinin hücumçusu Rasmus Hoylundun da ingilis klubuna transferi gözlənilir. Deyilənə görə, “Mançester Yunayted”də oyunçulara verilən illik əməkhaqqı 209,680,000 funt-sterlinqdir ki, bu da həftədə 4,032,308 funt-sterlinq təşkil edir. 

Valyuta.az Ten Haqın komandasında ən çox qazanan və nisbətən az maaş alan futbolçuların siyahısını təqdim edir. Bütün rəqəmlər “Capology”dən götürülüb. “Mançester Yunayted”in hər bir əsas komanda üzvünün həftəlik (ümumi) maaşı aşağıdakı şəkildədir.

Kazemiro - 350,000 funt-sterlinq
Ceydon Sanço – 350,000 funt-sterlinq
Rafael Varan – 340,000 funt-sterlinq
Markus Reşford – 300,000 funt-sterlinq
Antoni Marsial – 250,000 funt-sterlinq
Bruno Fernandeş – 240,000 funt-sterlinq
Meyson Maunt – 200,000 funt-sterlinq
Antoni – 200,000 funt-sterlinq
Harri Maquayr – 190,000 funt-sterlinq
Luk Şav – 150,000 funt-sterlinq
Kristian Eriksen – 150,000 funt-sterlinq
Viktor Lindelöf – 120,000 funt-sterlinq
Andre Onana – 120,000 funt-sterlinq
Donni van de Bik – 120,000 funt-sterlinq
Fred – 120,000 funt-sterlinq
Lisandro Martinez – 120,000 funt-sterlinq
Din Henderson – 100,000 funt-sterlinq
Aaron Van-Bissaka – 90,000 funt-sterlinq
Dioqo Dalot – 80,000 funt-sterlinq
Tayrell Malasia – 75,000 funt-sterlinq
Brendon Vilyams – 65,000 funt-sterlinq
Skot Maktominay – 60,000 funt-sterlinq
Alexandro Qarnaço – 50,000 funt-sterlinq
Tom Hiton – 45,000 funt-sterlinq
Amad Diallo – 28,846 funt-sterlinq
Fakundo Pellistri – 20,000 funt-sterlinq
Şola Şoretir – 5,000 funt-sterlinq
Teden Menqi – 5,000 funt-sterlinq
Hannibal – 3,462 funt-sterlinq

Elmir