Türkiyə prezidenti Rəcəb Tayyib Ərdoğan Hafize Qaye Erkanı Mərkəzi Bankın sədri təyin edib. 

HİT.az xəbər verir ki, Anadolu Agentliyi 180-dən çox ölkənin Mərkəzi Bank rəhbərləri ilə bağlı araşdırma aparıb. Məlum olub ki, 2013-cü ildə qadınların idarə etdiyi mərkəzi bankların sayı 21 idisə, bu rəqəm 2023-cü ildə 22-yə yüksəlib. Hafize Qaye Erkanla birlikdə bu rəqəm 23 olub.

Kristin Laqard 2019-cu ildən Avropa Mərkəzi Bankının (ECB) prezidentidir.

Yorqovanka Tabakoviç 2012-ci ilin avqustundan Serbiya Mərkəzi Bankının prezidenti, Janett Semeleer isə 2008-ci ildən Aruba Mərkəzi Bankının prezidentidir.

Şindi Şotland 2002-ci ildən Kayman Adaları Maliyyə Təşkilatının, Rosanna Kosta 2022-ci ildən Çili Mərkəzi Bankının, Malanqu Kabedi-Mbuyi 2021-ci ildən Konqo Demokratik Respublikası Mərkəzi Bankının, Rebekka Patrisia Santoman Rivera 2022-ci ildən Honduras Mərkəzi Bankının, Anita Angelovska Bejoska 2018-ci ildən Makedoniya Respublikası Mərkəzi Bankının, Nor Şamsiah Mohd Yunus isə 2018-ci ildən Malayziya Mərkəzi Bankının sədridir.

Viktoriya Rodriges Keja 2022-ci ildən Meksika Bankının, İda Volden Baxe 2022-ci ildən Norveç Bankının, Elvira Nabiullina 2013-cü ildən Rusiya Mərkəzi Bankının, Maiava Atalina Ainuu-Enari 2011-ci ildən Samoa Mərkəzi Bankının, Katiya Tomasetti 2018-ci ildən San Marino Mərkəzi Bankının, Karolin Abel 2012-ci ildən Seyşel Adaları Mərkəzi Bankının, Nquyen Ti Honq 2020-ci ildən Vyetnam Mərkəzi Bankının, Elizabet Qenia 2023-cü ildən Papua Yeni Qvineya Mərkəzi Bankının, Tan Tan Sve isə 2022-ci ildən Myanma Mərkəzi Bankının rəhbəridir.

Digər tərəfdən, ABŞ-da bəzi regional mərkəzi banklara qadınlar rəhbərlik edir. Syuzan Kollinz 2022-ci ildən Boston FED-in, Lori Loqan 2022-ci ildən Dallas FED-in, Loretta Mester 2014-cü ildən Klivlend FED-in, Meri Deyli isə 2018-ci ildən San Fransisko FED-in prezidentidir.

Mərkəz Bankının qadın sədrləri siyahısına son qoyularaq Türkiyə Mərkəzi Bankının İdarə Heyətinin sədri vəzifəsinə təyin edilən Hafize Qaye Erkan da qatılıb.

Paşa Məmmədli