“Absheron Saffron Ltd” MMC bu il əkin sahələrini genişləndirmək niyyətindədir.

Valyuta.az xəbər verir ki, bunu “Azərbaycan iqtisadiyyatı” Teleqram kanalına MMC-nin təsisçisi Xəlil Cəfərov deyib. Onun sözlərinə görə, hazırda 9-10 hektar ərazidə zəfəran əkini aparılır. Şirkət bu il əkin sahəsini 5 hektar artıraraq ümumi sahəsini 15 hektara çatdırmaq əzmindədir. X.Cəfərov əkin işlərinin avqustun sonu, sentyabrın əvvəlində həyata keçiriləcəyini açıqlayıb.

Qeyd edək ki, şirkət Zirə qəsəbəsində zəfəran əkir və hər ilin noyabr ayında yığım həyata keçirir.