"Kommersant.az” analitik sayt kimi fəaliyyət göstərəcək.

2018-ci ilin aprel ayından fəaliyyətə başlayan "Kommersant.az” saytı geniş oxucu kütləsi toplayaraq bazarda öz yerini layiqincə tapa bilib.

"Daim yenilənən informasiya məkanından geri qalmamaq üçün biz də yenilənirik! Belə ki, saytımız artıq "Kommersant.az” maliyyə və biznes portalı kimi yox, Azərbaycanda mövcud bankların analitik saytı olaraq fəaliyyətini davam etdirəcək. Əsas məqsədimiz oxucularımıza ən yeni məlumatları çatdırmaq, bank və maliyyə sektoru ilə bağlı bütün sualları cavablandıracaq yazılar, gündəlik videolar dərc etməkdir. Bu gün oxucu gündəlik informasiyanı bütün saytlardan ala bilir. Lakin xüsusiləşmiş, birbaşa insanların suallarının cavabına ünvanlanmış məlumatlar tapmaq çətindir. Bu çətinliyi aradan qaldırmaq üçün artıq biz varıq!

Nəzərinizə çatdıraq ki, saytımız dizayn və yenilənmə işləri ilə əlaqədar olaraq bu gün saat 0:00-a qədər fəaliyyət göstərməyəcək" deyə saytdan bildirilib.