Nizamnamə kapitalı 10 manat olan və 09.12.2005-ci il tarixində dövlət qeydiyyatına alınan “SMT” MMC (VÖEN: 1800342551) ləğv olunduğunu elan edib.

Ləğvetmə ilə bağlı elan “Vergilər” qəzetinin veb-saytına yerləşdirilib. 

Elanda bildirilir ki, kreditorlar iki ay ərzində tələblərini Bakı şəhəri, Sabunçu rayonu, Sabunçu ŞTQ, Proletar küçəsi, ev 30 ünvanına bildirə bilərlər.

Məlumat üçün bildirək ki, “SMT” MMC-nin qanuni təmsilçisi Nəsibov Natiq Astan oğludur. Nəsibov Natiq Astan oğlu daha əvvəl "Expressbank" ASC-nin Direktorlar Şurasının üzvü olub. Natiq Nəsibov eyni zamanda "Expressbank" ASC-nin əsas səhmdarlarından (17,69%) biri olan "Enerqoservis" MMC-nin də qanuni təmsilçisi olub.

Qeyd edək ki, "Expressbank" ASC-nin “Azərenerji” Açıq Səhmdar Cəmiyyətinin (ASC) sabiq sədri Etibar Pirverdiyevə məxsus olması ilə bağlı mətbuatda dəfələr məlumat yayılıb. Bildirilib ki, "Expressbank" ASC-nin  səhimdarlarından (15,99%) olan Xammədov Hikmət Hacəmməd oğlu Etibar Pirverdiyevin qayınıdır. Xammədov Hikmət Hacəmməd oğlu eyni zamanda “Bakı Yüksək Gərginlikli Elektrik Avadanlıqları” ASC-nin əsas səhimdarı (98,5%) olub. //Yeniavaz.com