Abid Mamedov Mamed oğlu ““CFI Financial İnvestisiya Şirkəti” QSC-nin (əvvəlki: AzFinance İnvestiya Şirkəti)ardından “Azsığorta” ASC-nin də rəhbərliyindən ayrılması rəsmiləşib.

O, paralel olaraq “Azsığorta” şirkətinin Direktorlar Şurasının üzvü idi.

Bununla da, “Azsığorta” ASC-nin Direktorlar Şurasının sayı ikiyə düşüb. Hazırda sığortaçının Direktorlar Şurasına Viladi Maniyev Məzahir oğlu sədrlik edir. Digər qalan üzv isə Elnur Qurbanov Məmməd oğludur.

Dünyanın aparıcı onlayn ticarət brokeri – “CFI Financial Group” “Azfinance İnvestisiya Şirkəti” ASC-nin səhmlərini aldıqdan sonra Mamedov Müşahidə Şurasının sədri vəzifəsindən ayrılmışdı. “Azfinance İ.Ş.”nin (indiki “CFI Financial İ.Ş.”) əsas səsvermə hüququ olan səhmdarı o idi. Onun şirkətdəki payı 85 faiz idi. Mamedov 2019-cu ildən bu postda çalışırdı.

O, bu vəzifələrlə bərabər “AFB Bank” ASC Müşahidə Şurasında da yer alır.

Abid Mamedov Mamed oğlu barədə:

– Ali təhsilini Böyük Britaniyanın Bristol Universitetində iqtisadiyyat üzrə bitirib.

-2023 mart – hazırda: “AFB Bank” ASC-nin Müşahidə Şurası sədrinin müşaviri

-Sentyabr 2019 – hazırda: “Azsığorta” ASC-nin Direktorlar Şurasının üzvü

– Yanvar 2014- sentyabr 2019: “Azfinance İnvestisiya Şirkəti” QSC-nin direktoru;

-Yanvar 2011 – yanvar 2014: Müstəqil brokerlik və aktivlərin idarə edilməsi;

-Dekabr 2005 – noyabr 2010: “Bloomberg”də Maliyyə Satış Departamenti – Satış və Əlaqələr üzrə Meneceri (London şəhəri)

Xatırladaq ki, “Azsığorta” 2006-cı ildə yaradılıb. Onun nizamnamə kapitalı 20.3 milyon manatdır. Şirkətin səhmləri 100% Hikmət Abuzər oğlu İsmayılova (“AFB Bank” ASC-nin 99.64%-lik, “Bank of Baku” ASC-nin isə 31.11%-lik səhmdarı) məxsusdur.

©Banker.az