Dünyanın ən varlı 10 adamının siyahısı açıqlanıb.

Valyuta.az “Bloomberg” agentliyinə istinadən xəbər verir ki, bu il yanvarın 2-nə olan məlumata görə, dünyanın ən varlı 10 adamının siyahısına “Tesla” və “SpaceX”ın rəhbəri İlon Mask başçılıq edib, onun sərvəti 432 milyard dollar təşkil edir.

İkinci yerdə 239 milyard dollarla “Amazon”un qurucusu Ceff Bezos, növbəti pillələrdə isə “Meta”nın rəhbəri Mark Zukerberq (270 milyard dollar), “Oracle”ın həmtəsisçisi Larri Ellison (192 milyard dollar) və LVMH şirkətlər qrupunun prezidenti Bernar Arno (176 milyard dollar) qərarlaşıb.

Siyahıya həmçinin “Google”un həmtəsisçisi Larri Peyc (168 milyard dollar), “Microsoft”un həmtəsisçisi Bill Qeyts (159 milyard dollar), “Google”un həmtəsisçisi Sergey Brin (158 milyard dollar), “Microsoft”un keçmiş rəhbəri Stiv Balmer (147 milyard dollar) və “Berkshire Hathaway”in Direktorlar Şurasının sədri Uorren Baffet (142 milyard dollar) daxildir.