“PashaPay”, “PulPal”, “K Group” eletron pul təşkilatları Azərbaycan Mərkəzi Bankının tələblərini pozub. 

Valyuta.az bu barədə AMB-yə istinadən xəbər verir. Məlumata görə, “Ödəniş təşkilatları və elektron pul təşkilatları tərəfindən fəaliyyətin təşkili və həyata keçirilməsi Qaydası”nın 7.6-cı bəndi üzrə fərdi məlumatların işlənilməsi və mühafizəsi ilə bağlı tələblərin pozuntusu hallarının aradan qaldırılması ilə bağlı Mərkəzi Bank tərəfindən “Ödəniş xidmətləri və ödəniş sistemləri haqqında” Azərbaycan Respublikası Qanununun 63.1-ci maddəsinin tələbləri rəhbər tutularaq "PashaPay" MMC-yə icrası məcburi olan göstəriş verilmişdir.

Bundan əlavə, “Ödəniş xidmətləri və ödəniş sistemləri haqqında” Azərbaycan Respublikası Qanununun 7.1.1-ci maddəsinə uyğun olaraq ödəniş xidməti istifadəçilərindən ödəniş əməliyyatlarının aparılması üçün qəbul edilmiş pul vəsaitinin təhlükəsizliyinin təmin edilməsinə dair tələblərin pozuntusu hallarının aradan qaldırılması ilə bağlı bu Qanunun 63.1-ci maddəsinin tələbləri rəhbər tutularaq Mərkəzi Bank tərəfindən "PulPal" MMC-yə icrası məcburi olan göstəriş verilib. 

Mərkəzi Bank həmçinin "K Group" MMC-yə icrası məcburi göstərişin verilib. Bildirilib ki, elektron pul təşkilatı emissiya olunan elektron pulların istifadəsi, o cümlədən istifadəçilər tərəfindən elektron pulların qalıq dəyəri barədə məlumatların əldə edilməsi imkanı təmin olunmayıb.