Xəbər verdiyimiz kimi, noyabr ayının 29-da Dövlət Vergi Xidməti nizamnamə kapitalı 1 milyon 700 min “Head Property” MMC-ni dövlət qeydiyyatına alıb. 

Valyuta.az-ın verdiyi xəbərə görə, bununla yanaşı Dövlət vergi Xidməti tərəfindən ötən ayın 29-da “Region Property” MMC yardılıb. Bu şirkətin qanuni təmsilçisi “Head Property”in qanuni təmsilçisi olan İsayev İsa Bünyad oğludur. Bu şirkətin nizamnamə kapitalı 600 min manatdır. MMC Naxçıvan şəhəri, N. Tusi ev.4. ünvanında yerləşir.

Eyni zamanda, ötən ayında 28-də Dövlət Vergi Xidməti “Şahbuz Office” MMC-ni dövlət qeydiyyatına alınıb. Bu şirkətin qanuni təmsilçisi Qəhramanov Hünbət Elçin oğlu, nizamnamə kapitalı 1 milyon 560 min manatdır. Bu şirkət də Naxçıvan şəhəri, N. Tusi ev.4. ünvanında yerləşir.

Yaradılan iki şirkət eyni adamın adına dövlət qeydiyyatından keçsə də, “Şahbuz Office” MMC-nin qanuni təmsilçisi başqa şəxsdir. Amma “Şahbuz Office” ilə “Region Property” şirkətinin hüquqi ünvanları eynidir.

Üç şirkətə birlikdə qoyulan sərmayə 3 milyon 860 min manatdır.

Əvəz Həsənov