“Qiymətlə keyfiyyətə nəzarət alkoqollu içkilər bazarının bir komponentidir”.

Valyuta.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin sədri Azər Əmiraslanov bu gün keçirilən iclasda müzakirəyə çıxarılan “İstehlakçıların hüquqlarının müdafiəsi haqqında” qanuna dəyişiklik olunması ilə bağlı danışarkən deyib. 

Komitə sədri bildirib ki, minimum qiymət mexanizminin tətbiq olunması bir vasitədir: “Yəni bu bazarı tənzimləyir, keyfiyyətsiz mallarla mübarizə aparır, vergidən yayınmasının qarşısını alır. Bu qanun layihəsi bu mexanizm üçün hüquqi əsaslar yaradır. Pərakəndə satışda minimum qiymət mexanizmi müəyyənləşməlidir. Minimum qiymət bazar iqtisadiyyatına müdaxilə deyil, burada dövlət qiymət müəyyənləşdirmir. Burada bazar prinisplərinə müdaxilə olunmur. Hər bir məhsulun qiyməti maya dəyərindən formalaşır. 

Minimum qiymət odur ki, bura aksizlər də daxil olur. Bazarda 1-3 manata araq məhsulları satılır. Halbuki bir litr araq üçün aksiz vergisi 4.8 manatdır. Bu da onu göstərir ki, bu araqların hazırlandığı zavodlar vergidən yayınır. Pərakəndə satışda da minimum qiymətin təyin olunması dəyər zəncirini müəyyən edə bilir”.

© Qafqazinfo