Son günlərdə havaların soyuq keçməsi ilə hər il olduğu kimi mərkəzi istiliyin vaxtından tez verilib-verilməməsi mövzusu gündəmə gəlib.

Valyuta.az xəbər verir ki, son günlərdə havanın yağıntılı olması, xüsusilə də dağlıq və dağətəyi rayonlarda sulu qar və qar yağması müşahidə olunur.

Yaşayış binalarına istilik dağlıq və dağətəyi rayonlarda noyabrın 1-dən verilsə də, Bakı və digər yerlərdə istilik hər il 15 noyabrdan verilir.

Temperaturun aşağı olmasına görə istliyin erkən veriməsi ilə bağlı Ölkə.Az-a danışan "Azəristiliktəchizat" ASC-nin mətbuat katibi Elvin Basqallı bildirib ki, havanın temperaturu 5 gün ardıcıl 8 dərəcədən aşağı olarsa və Ekologiya və Təbii Sərvətlər Nazirliyinin proqnozlarında növbəti günlərdə də havanın temperaturunun aşağı olacağı göstərilərsə, bu halda qazanxanaların vaxtından əvvəl işə salınmasına baxıla bilər.