Bir çoxumuz hər gün ən azı 10-12 saatımızı kompüterlərin qarşısında keçiririk. Bu isə bəzən salamlığımızda bir çox problemlemə yol açır. Texnoloji alətlərlə hər gün ən azı bu qədər zaman keçirmək həm də rəqəmsal yorğunluğa səbəb olur.

 Bəs rəqəmsal yorğunluq nədir? Simptomlar hansılardır? Rəqəmsal yorğunluğun qarşısını almaq üçün nə etməliyik?

Valyuta.az xəbər verir ki, rəqəmsal yorğunluq insanların texnoloji cihazlarla daim qarşılıqlı əlaqədə olması nəticəsində yaranan yorğunluq və tükənmə hissidir. Bu vəziyyətə uzun müddət kompüter, planşet və ya telefondan istifadə nəticəsində zehni və fiziki yorğunluq daxildir. 

Kompüter, telefon və ya planşet kimi cihazlara uzun müddət məruz qalma göz yorğunluğuna və zehni tükənməyə səbəb olsa da, sosial şəbəkələrdən, e-poçtlardan və tətbiqlərdən gələn daimi bildirişlər diqqətin yayınmasına səbəb ola bilər. Digər tərəfdən, birdən çox tapşırıq üzərində işləmək (çox tapşırıqlı) zehni yükü artırır və məhsuldarlığı azaldır. Digər insanlarla fiziki əlaqədə olmamaq tənhalıq hissi yarada bilər.

Rəqəmsal yorğunluğun hansı əlamətləri var?

Göz yorğunluğu, baş ağrıları, diqqətin yayınması, yuxusuzluq və ümumi motivasiyanın olmaması rəqəmsal yorğunluğun əsas əlamətlərindəndir. Bu yorğunluq fiziki olaraq boyun, kürək və göz problemlərinə səbəb olur. Bu da narahatlıq, depressiya və stress səviyyələrinin artmasına səbəb olur. Diqqətin yayındırılması və motivasiyanın olmaması iş və ya məktəb performansına mənfi təsir göstərə bilər.

Rəqəmsal yorunluğun qarşısını necə almaq olar?

Rəqəmsal yorğunluğun qarşısını almaq üçün nizamlı fasilələr vermək, ekran vaxtını məhdudlaşdırmaq, fiziki fəaliyyətlə məşğul olmaq və yuxu rejiminə diqqət tövsiyə edilir. Rəqəmsal cihazlardan istifadə zamanı məlumatlılığın və balanslaşdırılmış yanaşmanın inkişaf etdirilməsi də çox vacibdir.

Ekranda sərf olunan vaxtı azaltmaq üçün hər 20 dəqiqədən bir 20 saniyə ərzində təxminən 6 metr uzaqlığa baxmaq tövsiyə olunur.

Rəqəmsal detoks edərək rəqəmsal yorğunluğun qarşısını da ala bilərsiniz. Rəqəmsal cihazlardan müntəzəm olaraq uzaqlaşmaq zehni dincəldə bilər.

Davud