“Millenium” dondurmalarının istehsalçısı olan “S.A.B.A Şirkəti” MMC məhkəməyə verilib. 

Valyuta.az xəbər verir ki, buna səbəb şirkət barəsində inzibati protokol tərtib olunmasıdır. 

Protokol İnzibati Xətalar Məcəlləsinin 347-ci (Hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsi) maddəsi ilə tərtib olunub. 

İşə Binəqədi Rayon Məhkəməsində baxılacaq. 

347-ci maddədə vəzifəli şəxslərin yüz əlli manat məbləğində, hüquqi şəxslərin isə üç yüz manat məbləğində cərimə edilməsi nəzərdə tutulur.

“S.A.B.A Şirkəti” MMC 2000-ci ildən istehsal fəaliyyətinə başlayıb. Dondurma bazarında şirkətlərdən hesab olunur. 

Hüseyn