Azərbaycan Dövlət İqtisad Universitetinin (ADİU) Zaqatala filialının yataqxanası və idman binasında 4 milyonluq təmir işləri aparılacaq. 

Valyuta.az xəbər verir ki, ADİU bununla bağlı tenderə yekun vurub. Tenderin qalibi “Koneks Construction” MMC seçilib. 

"Koneks Construction” MMC-nin 27 noyabr 2019-cu ildə qeydiyyata alındığı göstərilir. Şirkətin nizamnamə kapitalı 10 AZN-dir. Hüquqi ünvanı Bakı şəhəri Binəqədi rayonu, Səttar Bəhlulzadə küçəsi, ev 39, mənzil 202-də yerləşən MMC-nin qanuni təmsilçisi Fərzəliyev Mehdi Məhəmmədəli oğludur.

“Koneks Construction” MMC tender kralı kimi tanınır. Şirkət geyim, zibil konteynerləri, dəftərxana ləvazimatları, odun və bu kimi müxtəlif təyinatlı malların satışını həyata keçirməklə yanaşı, tikinti işləri də görür. 

Amma belə çoxprofilli şirkətin haqqında açıq mənbələrdə heç bir məlumata rast gəlinmir. Şirkətin veb-səhifəsi və əlaqə nömrələrinə də rast gəlinmir. 

Hüseyn