Bu ilin yanvar-avqust aylarında Azərbaycanda əhaliyə göstərilən ödənişli xidmətlərdən 4 milyard 777,7 milyon manatlıq gəlir əldə olunub.

Valyuta.az xəbər verir ki, bu barədə Dövlət Statistika Komitəsinin aylıq hesabatında məlumat verilib.

Bu gəlirlər 2020-ci ilin müvafiq dövrü ilə müqayisədə 4,9% artıb.

Hüquqi şəxslər tərəfindən əhaliyə 3 663,2 mln. manatlıq xidmət göstərilib ki, bu da xidmətlərin ümumi dəyərinin 76,7%-ni təşkil edib.

Cari ilin yanvar-avqust aylarında hər bir ölkə sakini orta hesabla 471,8 manatlıq və ya ötən ilin müvafiq dövrü ilə müqayisədə nominal ifadədə 33,3 manat çox müxtəlif ödənişli xidmətlərdən istifadə edib.

Ömər Vəzirli