Ağstafa Rayon İcra Hakimiyyətinin sabiq icra başçısı Nizaməddin Quliyev vəfat edib.

Valyuta.az Report.az-a istinadən xəbər verir ki, N.Quliyev sentyabrın 7-də saxlanıldığı təcridxanda ölüb.

Keçmiş icra başçısının Goranboy rayonunun Tapqaraqoyunlu kəndində dəfn olunacağı gözlənilir.

Qeyd edək ki, Quba rayon prokurorunun köməkçisi Ramal Quliyev Qaynarinfo-ya açıqlamasında atası Nizaməddin Quliyevin dünyasını dəyişdiyini təsdiqləyib: 

"Bəli, atam müalicə aldığı xəstəxanada koronavirusdan dünyasını dəyişib. Hazırda dəfni üçün hazırlıq görürük”.

Qeyd edək ki, N.Quliyev 2019-cu ilin dekabr ayında Dövlət Təhlükəsizliyi Xidməti tərəfindən keçirilən əməliyyat nəticəsində həbs olunub. Gəncə Ağır Cinayətlər Məhkəməsinin hökmü ilə o, 9 il müddətinə azadlıqdan məhrum edilib.