Bu ilin birinci yarısında baş verən meşə yanğınları, ABŞ-dakı qasırğalar və Avropadakı daşqınlar qlobal sığorta sənayesinə təxminən 40 milyard dollara başa gəlib.

Valyuta.az Marja.az-a  istinadla xəbər verir ki, bu barədə “Financial Times”-a bir sıra sığortaçılar məlumat verib. 

Onların açıqlamalarına görə, bu göstərici son 10 ildə ən irihəcmli sığorta itkisidir.

“Swiss Re” təkrar sığorta qrupu bildirir ki, cari ilin sığorta itkiləri 2011-ci ildə Yaponiya və Yeni Zelandiyadakı zəlzələlərdən sonra ikinci ən böyük məbləğdir. Təkcə Şimali Amerikadakı “Uri” qasırğasına görə sığorta ödənişləri 15 milyard dollar qiymətləndirilir.

Sığortaçılar iyul ayında Çin və Avropada baş verən daşqınların ilin ikinci yarısındakı sığorta ödənişlərinə təsirini tam proqnozlaşdırmasa da, təkcə Almaniyadakı daşqının 4,5-5,5 milyard avroya başa gələcəyini bildirib. Sığorta brokeri Aon bu hadisəni 1980-ci ildə İtaliyadakı İrpinia zəlzələsindən sonra “son 40 ilin ən bahalı təbii fəlakəti” adlandırıb.

2021-ci ilin ilk yarısında təbii və antropogen fəlakətlərin qlobal iqtisadi ziyanı 77 milyard dollar təşkil edib. Bu məbləğə həm sığorta olunmuş, həm də sığortalanmamış itkilər daxildir.