2021-ci ilin yanvar-iyun aylarında dövlət büdcəsinin neft gəlirləri 5 milyard 863,4 milyon manat icra edilib.

Valyuta.az xəbər verir ki, bu barədə Maliyyə Nazirliyi tərəfindən yayımlanan aylıq hesabatda qeyd edilib. 

Sənədə əsasən, bu gəlirlər 2020-ci ilin müvafiq dövrü ilə müqayisədə 13,5 faiz və ya 917,9 milyon manat azdır. 

Neft gəlirləri proqnoza nisbətən 15,1 faiz və ya 1 milyard 41,8 milyon manat az icra edilib ki, bu da illik proqnozun 42,6 faizini təşkil edir. 

Hesabatda, I yarımillikdə dövlət büdcəsinin neft gəlirlərinin proqnoza və ötən ilin 6 ayına nisbətən az daxilolmasının əsas səbəbi də göstərilib. 

Bu, Dövlət Neft Fondundan transfertin proqnoza nisbətən 1 milyard 403,3 milyon manat və ötən ilin I yarısı ilə müqayisədə isə 978,3 milyon manat az olması ilə əlaqədardır.

Rövşən Ziya