Mayın 5-dən Təhsil Nazirliyi sisteminə daxil olan dövlət ümumi təhsil müəssisələrində müddətsiz müqavilə ilə işləyən müəllimlərin iş yerinin dəyişdirilməsi müsabiqəsinə start verilib. 

Valyuta.az xəbər verir ki, bu barədə qurumun ictimaiyyətlə əlaqələr sektorunun müdiri Cəsarət Valehov açıqlama yayıb. 

C.Valehov müsabiqənin elektron sənəd qəbulu 5-16 may tarixlərində keçiriləcəyini qeyd edib.

“Vətəndaşlar Təhsil Nazirliyinin “Whatsapp” hesabı vasitəsilə müəllimlərin iş yerinin dəyişdirilməsi müsabiqəsinə dair suallara cavab tapa biləcəklər” – nazirlik rəsmisi diqqətə çatdırıb.