2020-ci ildə Rusiyaya 9,6 milyon xarici vətəndaş səfər edib, onlardan 336 min nəfərin səfəri turizm məqsədli olub. Bu barədə RF FTX-nin Sərhəd Xidmətinin statistik məlumatında deyilir.

Pandemiya ilində xarici vətəndaşların səfərlərinin ümumi sayı 67,5%, turizm məqsədilə həyata keçirilən səfərlərin sayı isə 93% - 336 minə qədər azalıb.

2020-ci ildə Rusiyaya ən çox Ukrayna vətəndaşları (3,65 milyon, 2019-cu illə müqayisədə azalma 57,6%) səfər edib. Top-5-yə, həmçinin Qazaxıstan (1,4 milyon), Özbəkistan (720 min), Tacikistan (401,8 min) və Qırğızıstan (299,6 min) daxil olub. İkinci beşlikdə Azərbaycan, Ermənistan, Finlandiya, Belarus və Çin yer alıb.

Birinci rübdə Rusiya xaricdən 5,5 milyon, ikinci rübdə 509 min, üçüncü rübdə 1,83 milyon, dördüncü rübdə isə 1,82 milyon qonaq qəbul edib.

Turizm məqsədli səfərlər əsasən Çin (47,6 min, -96,8%), Cənubi Koreya (30 min), Almaniya (21,1 min), İsrail (18,8 min) və Fransadan (17,8 min) həyata keçirilib.

Top-10-ğu Türkiyə, Estoniya, Tayland, İtaliya və Litva bağlayıb.//İnterfax