Memar Sinanın memarlıq şah əsəri və Osmanlı memarlığının ən mühüm nailiyyətlərindən biri olan Zeyrek Çinili Hamamı 13 illik bərpa işlərindən sonra qapılarını yenidən açır.

Valyuta.az bu barədə arkeonews.net-ə istinadla xəbər verir.

1540-1546-cı illər arasında tikilmiş bu bina Osmanlı donanmasının admiralı Barbaros Hayrettin Paşanın rəhbərliyi ilə ucaldılıb. Çinili adı bir vaxtlar daxili divarları və döşəmələri bəzəyən İznik dulusçuluğunun əzəmətini əks etdirir.

Mərmərə qrupunun birgə səyləri bu mədəni irsin canlanmasına səbəb olub. İndi qonaqlara tarixə qərq olmaq və müasir üslubda Osmanlı hamamı rituallarından həzz almaq imkanı təklif olunur.

Yenidən canlanan hamam təkcə memarlıq şah əsəri deyil, həm də bərpa zamanı əldə edilmiş arxeoloji tapıntılar sayəsində tarixin yeni fəsillərini açaraq tədqiqat obyektinə çevrilib.

Hamamda spa prosedurlarından əlavə, bu tarixi məkanın memarlığı və adət-ənənələrindən ilhamlanaraq tanınmış modelyer Hüseyn Çalayan tərəfindən hazırlanmış geyim və aksesuarlar xətti var. Bu kolleksiyanı həm hamamın özündə, həm də onlayn almaq mümkün olacaq.

Osmanlı mətbəxi də diqqətdən kənarda qalmır: şərbət kimi ənənəvi türk ləzzətləri xüsusi olaraq Zeyrek Çinili Hamamı üçün hazırlanmış keramikalarda təqdim olunacaq.

Arkenews yazır ki, hamamın yenidən qurulması təkcə tarixi irsin qorunub saxlanması deyil, həm də bu mədəni simvola yeni həyat bəxş etmək məqsədi daşıyır.

Nicat