Yeni ilin gəlişi ilə bayramı harada, necə keçirməklə bağlı təlaş başlayır. Bayramı qeyd etmək üçün xarici ölkələrə üz tutanların sayı da az deyil. Quru sərhədləri bağlı olsa da, xaricə səfər edənlərin sayı az deyil. Bəs azərbaycanlılar Yeni ildə daha çox hansı ölkələrə səyahət edir? 

Turizm şirkəti rəhbəri Rəhman Quliyev Valyuta.az-a bu barədə danışdı. Onun sözlərinə görə Yeni ildə insanlar çox birbaşa reyslə gedə biləcəkləri ölkələrə üz tuturlar: 

“Praqa, Berlin, Budapeşt, Frankfurt, Milan, Paris, Vyana istiqamətlərinə birbaşa reys olduğuna görə, Azərbaycan turistləri üçün də maraqlıdır. Həm də rahat gediş-gəlişləri təmin olunur. Digər tranzit aviareyslərə nisbətən birbaşa reys olduğundan qiymətlər daha münasibdir”.

Rəhman bəyin sözlərinə görə, qonşu ölkələrə üz tutanların sayı da çoxalıb:

“10 il bundan qabaq İstanbula gün ərzində 3-4 aviareys gedirdisə, bu gün 12-13 reys fəaliyyət göstərir. Əlamətdar günlərdə tamamilə dolur. Digər avia kompaniyalarda digər istiqamətlərə də aviakompaniya fəaliyyət göstərir. Rusiyaya gedənlər də çoxdur. Oradakı həmvətənlərimizlə əlaqələr sıxdır. Yeni ildə həm Rusiyadan Azırbaycana, həm də Azərbaycandan Rusiyaya gedənlər çoxdur. Rusiyanın Azərbaycana yaxın olan əyaləti Yessentuki, müalicəvi sanatoriyalara gedilir. Eyni zamanda Gürcüstana - Tiblisə, Barjomiyə, Bakuriani, Batumiyə də gedənlər az deyil. Dubay, Duha istiqamətində də üz tutanlar var”. 

Nuray