İlon Maskın sahibi olduğu dünyanın ən populyar sosial media tətbiqi "X", platformaya inteqrasiya edilmiş məhsuldar süni intellekt olan "Grok 2" söhbət robotunun yeniləndiyini açıqlayıb.

Valyuta.Az xəbər verir ki, "xAI" bloqunda yayımlanan məlumata görə, "Grok"un yeni versiyası 3 dəfə daha sürətli işləyir. Eyni zamanda, verilən cavabların dəqiqlik səviyyəsi artırılıb və təlimatlara riayət etmə qabiliyyəti də yaxşılaşdırılıb.

"X", "Grok"un yeni versiyasını son bir neçə həftədə sınaqdan keçirib və bloqda bu barədə açıqlama yayımlayıb. Test mərhələsinin uğurla başa çatdığını bildirən komanda yeni versiyanın artıq bütün istifadəçilərə təqdim edildiyini elan edib. Açıqlamada, “Bu gün 'Grok-2'nin yeni versiyasını 'X' platformasında bütün istifadəçilərə pulsuz təqdim etməyə başladığımızı elan etməkdən məmnunuq” deyə qeyd olunub.

Pulsuz istifadəçilər "Grok"a hər iki saatdan bir yalnız on sual verə bilərlər. "X"in Premium və Premium+ paketlərinə abunə olan istifadəçilər isə daha yüksək istifadə limitlərindən yararlana bilərlər.

"xAI" həmçinin "X" platformasına yeni "Grok düyməsi" əlavə olunduğunu açıqlayıb. Bu düymə istifadəçilərə "əlaqəli kontekstləri araşdırmaq, real vaxt hadisələrini anlamaq və trend olan müzakirələrə daha dərindən nüfuz etmək" üçün kömək etmək məqsədilə hazırlanıb.

Rəhim