"Kantar" araşdırma şirkəti 2024-cü ilin üçüncü rübü üçün smartfon bazarı ilə bağlı məlumatları təqdim edib. 

Valyuta.az xəbər verir ki, yeni statistik məlumatlar sizə dünyanın müxtəlif regionlarında hansı modellərin ən populyar olduğunu bilmək imkanı verir.

Adi "iPhone 15" beş regiondan dördündə reytinqlərə liderlik edərək mütləq favorit olub. Yeganə istisna Çindur, burada daha bahalı və daha təkmil "iPhone 15 Pro Max" birinci yerdədir.

"iPhone"ların üstünlüyü bununla bitmir. ABŞ-da onlar bütün ilk 5-liyi "ələ keçiriblər", Avstraliyada isə siyahıya yalnız bir "Android" smartfonu daxil ola bilib - "Samsung Galaxy A55" sonuncu yeri tutub.

Brendlərin ən böyük çeşidi Yaponiya və Çinin statistikasında qeyd olunur. Yaponiyada "Sharp Aquos Wish3" bestseller siyahısına daxil olub, Çində isə "iPhone"dan əlavə "Huawei Pura 70" və "Xiaomi 14" populyardır.

"Kantar" ekspertləri onu da qeyd ediblər ki, üçüncü rübdə smartfonların illik satışları Çin və Yaponiyada zəif tələbat səbəbindən 2% azalıb. Smartfon satışlarında nəzərəçarpacaq artım ABŞ-da (+21%), Avropanın beş ən böyük bazarında (+13%) və Avstraliyada (+19%) müşahidə olunur.

Paşa Məmmədli