"Nvidia" və "SoftBank" dünyada ilk süni intellekt (AI) və 5G telekommunikasiya şəbəkəsini birləşdirən pilot layihə sınaqdan keçiriblər. Bu şəbəkə həm süni intellekt, həm də 5G yükünü eyni anda işlədə bilir və buna "süni intellekt radio giriş şəbəkəsi" (AI-RAN) deyilir. Şəbəkənin tətbiq sahələrinə avtonom nəqliyyat vasitələrinin uzaqdan idarə edilməsi və robot texnologiyalarının nəzarəti daxildir.

"SoftBank Group"un CEO-su Masayoshi Son, AI tədbirində etdiyi çıxışında, "Digər bütün telekom şirkətləri bu yeni dalğaya qoşulmalı olacaq" dedi. "Nvidia" CEO-su Jensen Huang isə qeyd etdi ki, "SoftBank", "Nvidia"nın yeni Blackwell çip dizaynlarını alan ilk şirkət olub və bu çiplər "SoftBank"ın öz generativ süni intellekt modelini yaratmaq üçün inkişaf etdirdiyi AI superkompüterində istifadə olunur.

Leyli