"Google"un ana şirkəti "Alphabet" 30 sentyabrda başa çatan üçüncü maliyyə rübünün gəlirlərini açıqladı. 

Valyuta.az-ın məlumatına görə, şirkət bu rübdə 88.27 milyard dollar gəlir əldə edib. Bu, analitiklərin proqnozlaşdırdığı 86.44 milyard dollar gəlirdən çoxdur. 2023-cü ilin üçüncü rübündə gəlirlər 76.69 milyard dollar idi. 

- Tənzimlənmiş hər səhmə görə gəlir: 2.12 dollar - proqnozlaşdırılan hər səhmə görə gəlir 1.83 dollar idi. (2023-cü ilin üçüncü rübündə 1.55 dollar)

- Bulud xidməti gəliri: 11.4 milyard dollar - proqnozlaşdırılan bulud xidməti gəliri 10.79 milyard dollar idi. (2023-cü ilin üçüncü rübündə 8.41 milyard dollar)

- Reklam gəliri: 65.85 milyard dollar - proqnozlaşdırılan reklam gəliri 65.5 milyard dollar idi. (2023-cü ilin üçüncü rübündə 59.65 milyard dollar)

"Google"un CEO-su Sundar Pichai gəlir zəngində bulud bölməsinin artımını vurğulayaraq şirkətin süni intellekt portfelinin yeni müştəriləri cəlb etdiyini və daha böyük müqavilələrə yol açdığını qeyd etdi. 

Bulud gəlirlərinin artımı "Microsoft" və "Amazon"un da bulud biznesini böyütməsi və süni intellekt infrastrukturlarına sərmayələrini artırması ilə üst-üstə düşür.

"Alphabet"in səhmləri də hərrac sonrası ticarətdə demək olar ki, 6% artdı.

"Google" bu həftə "Big Tech" platformaları arasında ilk olanı olaraq gəlir açıqladı, ardınca "Meta" və "Microsoft" çərşənbə günü, "Amazon" və "Apple" isə daha sonra nəticələrini açıqlayacaq.

Bütün bu böyük şirkətlər bu il səhmlərinin qiymət artımı yaşasa da, investorlar onların süni intellekt xərcləri və iş xəttlərinin müvəffəqiyyətini artıq eyni ölçüdə qiymətləndirmirlər.

Əvəz Həsənov