"Apple" şirkəti iOS 18-də istifadəçilərə video çəkilişi dayandırmağa imkan verən funksiya təqdim edib. 

Valyuta.az "MacRumors"a istinadən xəbər verir ki, bu funksiya ilk "iPhone"dan bəri mövcud deyil.

İOS 18 ilə işləyən "iPhone"da video yazmağa başladıqda, istifadəçilər solda yeni pauza düyməsini görəcəklər. Bunun üzərinə kliklədikdə qeyd dayandırılır və yenidən kliklədikdə qeyd davam etdirilir. Əsas düymə hələ də istənilən vaxt çəkilişi dayandırmağa, sağdakı düymə isə video çəkərkən foto çəkməyə imkan verir.

"Apple"ın ilk smartfonu olan "iPhone 2G"də təqdimat zamanı videoçəkiliş funksiyası yox idi və videoya fasilə vermək imkanı iOS 18-ə qədər standart "Camera" proqramında tətbiq olunmurdu. Bir çox istifadəçi şirkəti belə bir bayağı funksiyanın olmamasına görə tənqid edirdi. 

Sentyabrın 9-da "Apple" dörd "iPhone 16" modelini təqdim edib: əsas versiya, Plus versiyası, "iPhone 16 Pro" və "iPhone 16 Pro Max". Onlar sentyabrın 20-də satışa çıxarılacaq, iOS 18 isə sentyabrın 16-da "iPhone Xr" və daha yeni smartfon sahibləri üçün əlçatan olacaq.

Paşa Məmmədli