![](https://valyuta.az/file/articles/2024/07/18/1721298421_2.jpg)
"Huawei"nin "Windows" alternativi nə vaxt təqdim olunacaq?
"Huawei" 2024-cü ilin sonuna qədər "Windows"a öz alternativini buraxmaq niyyətindədir.
Valyuta.az xəbər verir ki, bu barədə "Tom's Hardware" portalı insayderlərə və sənaye analitiklərinə istinadən məlumat yayıb.
Şirkətin "HarmonyOS Next" əməliyyat sistemini kompüterlərdə istifadə üçün aktiv şəkildə uyğunlaşdırması faktı "Huawei" veb-saytında OS-un PC versiyasını göstərən şəkillərlə göstərilir. Bu şəkillərə əsasən "HarmonyOS Next"in interfeysi "Apple"ın "macOS"un dizaynından ilhamlanıb. Sistemdə oxşar vəziyyət çubuğu, dok, həmçinin tam ekran rejimi üçün düymələr, pəncərələri minimuma endirmək və bağlamaq üçün düymələr var.
"HarmonyOS" mobil əməliyyat sistemi 2019-cu ildə ABŞ sanksiyalarına cavab olaraq hazırlanıb. Bu OS-un adında "Next" prefiksi olan növbəti qolu fərdi kompüterlərdə və şirkətin digər qadcetlərində işləmək üçün uyğunlaşdırılacaq. Üstəlik, "Huawei" Amerika texnologiyalarından asılı olmayaraq tamamilə avtonom sistem təklif etmək niyyətindədir.
"HarmonyOS Next"in əsas xüsusiyyəti onun AOSP kitabxanalarından müstəqilliyi və "Android" üçün .apk fayllarını işə sala bilməməsi olacaq.
Bu əməliyyat sisteminin Çindən kənarda peyda olub-olmayacağı bəlli deyil. Məsələn, Çin "Huawei" smartfonları "HarmonyOS", beynəlxalq versiyalar isə "Android 14"ün hazırkı versiyası ilə "Android 12" əsasında EMUI-ni idarə edir.
Paşa Məmmədli
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay