Böyük Britaniya və Yaponiyadan olan beynəlxalq alimlər qrupu süni intellekt (AI) proqramının köməyi ilə dünyanın ən güclü dəmir əsaslı superkeçirici maqnitini dizayn ediblər. 

Valyuta.az xəbər verir ki, tədqiqat "NPG Asia Materials" (NPG AM) elmi jurnalında dərc olunub.

Superkeçirici maqnitlər yüksək enerji sərfiyyatı olmadan çox güclü və sabit maqnit sahələri yaratmağa qadirdir. Bu o deməkdir ki, onlar MRT aparatlarında və maqnit yastığı üzərində qatarlarda istifadə oluna bilər. Bu gün onların yaradılması üçün niobium və qalay ərintisindən hazırlanmış kütləvi superkeçiricilərdən istifadə olunur. Bu cihazların ölçüsü və qiyməti onların istifadəsini çətinləşdirir.

Komanda daha qənaətcil və səmərəli dəmir əsaslı maqnitin strukturunu dizayn etməyə kömək edən BOXVIA adlı maşın öyrənmə sistemindən istifadə etdi. BOXVIA elementlərin performansını yaxşılaşdıran nümunələri müəyyən edib.

Tədqiqatçıların fikrincə, süni intellektin iştirakı olmadan onlar istənilən parametrlərə nail olmaq üçün hər bir prototipin layihələndirilməsi və sınaqdan keçirilməsinə aylar sərf etməli olublar.

Alimlər həmçinin BOXVIA superkeçiricilərinin daha böyük dəmir kristalları ilə mikroskopik səviyyədə fərqli bir quruluşa malik olduğunu kəşf ediblər. Bu yanaşma bu gün ən güclü dəmir əsaslı superkeçirici maqnit yaratmağa imkan verib.

Paşa Məmmədli