ABŞ çip istehsalçısı “Nvidia”, "Blackwell" adlı yeni süni intellekt çipini təqdim etdi.

Valyuta.az xəbər verir ki, “Nvidia”nın baş icraçı direktoru (CEO) Yensen Huanq, şirkətin GPU Texnologiya Konfransındakı (GTC) çıxışında, mövcud məlumatların miqdarının artacağını və daha da böyük qrafik emal vahidlərinin (GPU) yaradılmasının vacibliyini bildirib. Şirkətin hazırkı çip arxitekturası “Hopper”in fantastik olduğunu, lakin daha böyük GPU-lara ehtiyac duyduğunu ifadə edən Huanq, riyaziyyatçı David Blekvellin adını daşıyan yeni nəsil çiplər haqqında danışıb. Huanq qeyd edib ki, “Blackwell” çip deyil, platformanın adıdır.

Digər tərəfdən, şirkətin açıqlamasında, əvvəlki modeldən fərqli olaraq “Blackwell” platformasının böyük dil modelləri üzərində real vaxt rejimində generativ süni intellekt yaratmağa və işə salmağa, həmçinin 25 dəfəyə qədər daha az xərcə, enerji sərfiyyatına imkan verdiyi bildirilib. 

Açıqlamada “Amazon Web Services”, “Dell Technologies”, “Google”, “Meta”, “Microsoft”, “OpenAI”, “Oracle”, “Tesla” və “xAI” kimi şirkətlərin “Blackwell”dən yararlanacağı gözlənilən şirkətlər arasında olduğu qeyd edilib.

İlk Blackwell çipi “GB200”ün bu ilin sonunda buraxılacağı da bildirilib.

Elmir