Samsung-un təqdim olunmamış qeyri-adi noutbukunun videosu Çinin Weibo adlı sosial şəbəkəsində ortaya çıxıb.

Sözügedən noutbukun qeyri-adiliyi ondadır ki, o, çox nazik ekran ətrafı çərçivəyə sahibdir və onda veb kamera birbaşa ekrana yerləşdirilib. Digər bir özəllik isə kamera girişinin sistem interfeysinə inteqrasiya edilməsidir. Faktiki olaraq bu noutbuk üzərində son iPhone modellərindəki Dynamic Island çıxıntısının analoqu yerləşir. Noutbuk ekranına inteqrasiya edilmiş kameranın ətraf sahəsi çalışma ssenarisindən asılı olaraq genişlənir və öz formasını dəyişir. Beləliklə kamera ətrafında musiqi playeri və ya bildirişlər əks oluna bilər. Samsung bu cür noutbukun nəticə etibarilə satışa çıxıb-çıxmayacağını açıqlamayıb.

© technote.az