Stenford Universitetinin tədqiqatçıları biologiyanı süni intellektə öyrətmək üçün proqram hazırlayıblar.

Valyuta.az xəbər verir ki, “ChatGPT”yə bənzər bir proqramdan istifadə edən tədqiqatçılar əvvəlcə milyonlarla hüceyrə, onların genetik və kimyəvi strukturları haqqında xam məlumatları kompüterə yerləşdiriblər. Bununla belə, kompüterlərə yüklənən məlumatların nə demək olduğu, müxtəlif hüceyrələrin fərqli bioloji quruluşları və onların  funksiyaları barədə heç bir məlumat verilməyib.

“New York Times”da yer alan xəbərə görə, süni intellekt neyron hüceyrələrini altı həftədə kəşf edib. Hansı ki, bəşəriyyət eyni hüceyrələri 134 il müddətində anlayıb. Araşdırma nəticəsində kompüterlərin daha əvvəl görmədikləri hüceyrəni mövcud olan min tipdən biri olaraq təyin etməyi bacardığını bildiriblər. Bildirilib ki, kompüter süni intellektə əsaslanan proqram genlərinin necə işlədiyini və hüceyrələrin öz-özünə hansı şəkildə inkişaf etdiyini də anlayıb. Alimlər biologiya sahəsində çalışan süni intellekt modellərinin təkmilləşdikcə, daha güclü kompüterlər və daha çox laboratoriya məlumatları ilə dəstəkləndikcə mühüm kəşflər edəcəyini proqnozlaşdırırlar.

Süni intellektin gələcəkdə xərçəng və digər xəstəliklərlə bağlı bilinməyənləri ortaya çıxara və ya bir hüceyrəni fərqli növə çevirəcək reseptlər yaza biləcəyi düşünülür.

Elmir