"Vision Pro"nun ilkin sifarişləri açılandan, yəni 2024-cü il yanvarın 19-dan etibarən "Apple" 200 mindən çox cihaz satıb. 

Valyuta.az xəbər verir ki, bu barədə "MacRumors" mənbələrə istinadən məlumat yayıb.

"MacRumors" hesab edir ki, yeni məlumatlar “Apple”ın yeni məhsullarının satışının əhəmiyyətli dərəcədə yavaşladığını göstərir. Məsələ burasındadır ki, təkcə ilk üç gündə şirkət 160 mindən 180 minə qədər cihaz satıb, son bir həftədə isə bu rəqəm 200 mini keçib.

Satışların azalmasına "Apple"ın əvvəlcədən sifarişlərin başlamasından qısa müddət sonra "Vision Pro"un satışını dayandırması təsir göstərə bilərdi. İndi müştərilər bütün əvvəlcədən ödənilmiş cihazları "Apple Store"dan özləri götürməli olacaqlar. Bundan əlavə, "Vision Pro"nun əvvəlcədən sifariş üçün çatdırılma müddəti xeyli artıb: əgər yeni məhsul pərakəndə satışda 2 fevral 2024-cü ildə görünsə, o zaman bəzi qabaqcadan ödənişli alıcılar cihazları yalnız mart ayında alacaqlar.

Jurnalistlərin və blogerlərin "Vision Pro" icmallarının, eləcə də adi müştərilərin rəylərinin dərci ilə yeni alış dalğasının başlayacağı gözlənilir. Yanvarın 30-u axşam Amerika mediasında rəylər görünməyə başlayacaq.

Şayiələrə görə, 2024-cü ildə "Apple" bazara cəmi 500 min "Vision Pro" təqdim edə biləcək. Qulaqlıq üçün bəzi komponentlərin istehsalı ilə bağlı çətinliklər səbəbindən cihazın dövriyyəsi ciddi şəkildə məhdudlaşdırılıb.

Paşa Məmmədli