Portuqaliyalı superulduz Kriştiano Ronaldo yeni çıxacaq videooyuna böyük dəstək verib.

Valyuta.az xəbər verir ki, dünyaca məşhur futbolçu yeni çıxacaq UFL (köhnə adı - "EA Sports FC") videooyununa 40 milyon dollar dəyərində sərmayə qoyub. FİFA seriyasına rəqib olacağı gözlənilən oyunun treyleri artıq oktyabr ayında yayımlanıb və oyunçuların beta versiyası üçün qeydiyyatdan keçərək özlərini sınaya biləcəyi açıqlanıb. 

"Unreal Engine" ilə hazırlanmış UFL, 65.000-dən çox peşəkar futbolçunu təmsil edən qlobal təşkilat olan "FIFPro" və idman performansını təhlil edən "InStat" şirkəti ilə əməkdaşlığa başlayıb. Bunun sayəsidə oyundakı hər bir futbolçu üçün aktual statistika təqdim olunacaq.

UFL ilə yeni tərəfdaşlığı haqqında danışan Ronaldo açıqlamasında, "Mən bu layihənin bir hissəsi olduğum üçün həyəcanlıyam, çünki bu, futbol oyunlarında yeni bir janrdır" - sözlərini deyib.

Oyunun rəsmi buraxılış tarixi hələ açıqlanmasa da, bu payızda qapalı sınaq mərhələsinə start verilib. UFL rəsmi olaraq 2021-ci ilin avqustunda elan edilmiş və 2022-ci ildə istehsalına başlandığı planlaşdırılmışdı. Ancaq sonradan bu tarixin 2023-cü ilə təxirə salındığı açıqlanmışdı. 

Oyunun 2023-cü ilin sonunda "PlayStation 5", "PlayStation 4", "Xbox Series X/S", "Xbox One" və "PC Windows" platformaları üçün qlobal miqyasda istifadəyə veriləcəyi gözlənilir.

Elmir