"Apple" alıcılar arasında çaşqınlığı aradan qaldırmaq üçün "iPad Air" və "iPad Pro" planşetləri arasındakı fərqləri artırmağı planlaşdırır. 

Valyuta.az xəbər verir ki, bu barədə "Bloomberg" məlumat yayıb.

Fərqləndirmə strategiyasının bir hissəsi kimi şirkət "iPad Pro"nu 11 və 13 düymlük OLED displeylər, yeni M3 çipi və alüminium korpuslu yenilənmiş "Magic Keyboard" ilə təchiz etmək niyyətindədir. Eyni zamanda, "iPad Air" keçənilki "Apple M2"ni iki versiyada alacaq: 10,9 və 12,9 düym. Bununla belə, "iPad Air" yeni klaviatura üçün dəstək almayacaq.

Qeyd edilir edir ki, bu dəyişikliklər "iPad Air-i Pro" versiyasından daha sərfəli edəcək, eyni zamanda standart "iPad" ilə müqayisədə əhəmiyyətli təkmilləşdirmələr təqdim edəcək. Bundan əlavə, "Apple" doqquzuncu nəsil "iPad"in istehsalını dayandırmağı düşünür, bu da birinci nəsil "Apple Pencil"i bazardan çıxaracaq.

"Apple" həmçinin hazırkı "iPad 10" və "iPad mini" satmağa davam edəcək. Birincisi şirkətə təhsil bazarında büdcəli ""Chromebook noutbukları ilə rəqabət aparmağa imkan verir, "iPad" mini isə kiçik cihazlara üstünlük verən istifadəçilər arasında populyar olaraq qalır.
​
Paşa Məmmədli