"MediaTek Dimensity 9300" prosessoru əsasında hazırlanmış "Vivo X100 Pro" flaqman smartfonu yükləndikdə həddindən artıq qızır və orijinal performansının demək olar ki, 50%-ni itirir. 

Valyuta.az xəbər verir ki, bu barədə WCCFTech portalı məlumat yayıb.

"Vivo X100" smartfonlar xəttinin buxarlanma kamerası olan xüsusi soyutma sistemi ilə təchiz edilməsinə baxmayaraq, bu, gücü azaltmadan aparatın işləməsinə kömək etmir. Beləliklə, çipdə maksimum yük yaradan "CPU Throttling Testi" işləyərkən ilk sınaq dövründən sonra prosessorun performansı yarıdan çox azalır. Test nəticələrinə görə, smartfon orijinal performans səviyyəsinin maksimum 46%-ni itirib. Orta göstərici 72% təşkil edib.

Testə əsasən, prosessor nüvələrindən biri öz tezliyini 0,60 GHz-ə qədər azaldır, qalanları isə 1,20-1,50 GHz-də işləyir. Bu, real həyatda istifadə ssenarilərində, xüsusən də oyunda smartfonların performansına mənfi təsir göstərə bilər. Məsələn, əvvəlcə cihaz yüksək güc göstərəcək, lakin zaman keçdikcə oyunlar donmağa başlayacaq.

"Dimensity 9300" çipi 3,25 QHs tezliyə malik bir "Cortex-X4" nüvəsi, 2,85 QHs tezliyə malik üç "Cortex-X4" və 2 QHs tezliyə malik dörd "Cortex A720" nüvəsi ilə təchiz edilib.

Paşa Məmmədli