"Xiaomi" 2020-ci ildə buraxılan dörd məşhur smartfon modelinə dəstəyin bitdiyini elan edib.

Valyuta.az xəbər verir ki, bu barədə “NotebookCheck” portalı məlumat yayıb.

Siyahıya daxil edilən cihazlar arasında büdcəli "Poco X3" və "Poco X3 NFC", həmçinin sub-flaqman "Xiaomi Mi 10T" və "Xiaomi Mi 10T Pro" var. Bu cihazlar daha "Android" əməliyyat sistemi yeniləmələrini və onları potensial təhlükələrdən qoruyan təhlükəsizlik yamaqlarını almayacaq.

Bu qərar "Xiaomi"nin öz smartfonlarına üç illik dəstək vermək siyasətinə uyğundur. Bununla belə, brendin bəzi cihazları daha uzun müddət dəstəklənə və onların sahibləri 4 il "Android" yeniləmələri və 5 ilə qədər təhlükəsizlik yaması dəstəyi gözləyə bilərlər.

Dəstəyi itirmiş "Xiaomi" smartfonlarından istifadə etməyə davam edən istifadəçilər özlərini hakerlik, məlumat oğurluğu və ya digər hücumların qurbanı olmaq riski ilə üz-üzə qoya bilərlər. Bu halda, istifadəçilərə cari cihazlara diqqət yetirmək və ya xüsusi proqram təminatı quraşdırmaq tövsiyə olunur, lakin bu metodun bir sıra çatışmazlıqları var.

Paşa Məmmədli