"Samsung" 2023-cü ilin sonuna qədər smartfonlarını "Android 14"ə yeniləməyi başa çatdıracaq. 

Valyuta.az xəbər verir ki, bu barədə "GizChina" məlumat yayıb.

Ümumilikdə ən azı 35 "Samsung" modeli "Android" 14 alacaq. Cihazların ilk dalğası (Galaxy S23, S23 Plus və S23 Ultra) yeniləməni 30 oktyabr 2023-cü ildə təmin edilib. Həmçinin, "Android"in son versiyası artıq 13 və 15 noyabr tarixlərində ikinci dalğanın demək olar ki, bütün smartfonlarında (Galaxy A14 5G, A34, A54, S22, S22 Plus, S22 Ultra, Z Flip 5 və Z Fold 5) peyda olub. İkinci dalğadan yeniləməsiz qalan yeganə model "Galaxy S23 FE"dir - onun üçün proqram təminatı noyabrın 20-də buraxılacaq.

Üçüncü dalğa sırasına "Galaxy" A13 5G, A33 5G, A52, A52s, A72, S21, S21 Plus, S21 Ultra, S21 FE, Z Flip 4 və Z Fold 4 daxil olacaq. Bütün bu cihazlar "Android 14"ə 20-30 noyabr tarixlərində yenilənəcək. 

Dördüncü dalğa "Galaxy" A13, A14, A23 5G, A24 5G, Z Flip 3 və Z Fold 3 kimi cihazları əhatə edəcək. Tarixlər noyabrın 27-dən dekabrın 1-dəkdir. Beşinci dalğa yalnız "Galaxy A04"ləri əhatə edəcək (4 dekabr). Altıncısı isə "Galaxy XCover 5"ə aiddir (8 dekabr).

Həmçinin, "Galaxy" A14 5G, A14, A52 5G, A05s smartfonları və "Galaxy Tab A7 Lite" planşetləri "Android 14"ə yenilənməlidir. Bunun üçün buraxılış tarixləri məlum deyil.

Paşa Məmmədli