Onlaynda performans rekordu qıran, hələ təqdim edilməmiş qabaqcıl smartfon "Oppo Find X7"nin AnTuTu etalonunun nəticələri ortaya çıxıb. 

Valyuta.az xəbər verir ki, bu barədə “Gizmochina” portalı məlumat yayıb.

Belə ki, etalon yeni məhsulun prosessorunu 521 min, qrafik prosessorunu 911 min, yaddaş və istifadəçi interfeysinin performansını isə müvafiq olaraq 471 və 365 min bal qiymətləndirib. Ümumilikdə, "Oppo Find X7" 2,27 milyondan çox xal toplayıb və bununla da benchmarkda performans rekordunu qırıb.

Bundan əlavə, test nəticəsi ilə ekran görüntüsü sayəsində smartfonun bəzi xüsusiyyətləri təsdiqlənib. Beləliklə, 120 Hz yeniləmə tezliyi olan displeyin, yeni MediaTek Dimensity 9300 çipinin, yeni tipli LPDDR5T 16 GB operativ yaddaşın və 1 TB UFS 4.0 yaddaşının olması təsdiqlənir. Yeni məhsul əvvəlcədən quraşdırılmış xüsusi ColorOS 14 qabığı ilə Android 14-də işləyəcək.

Oktyabrın sonunda "Geekbench" etalonunda "Oppo Find X7"nin sınaq nəticələri onlayn olaraq ortaya çıxıb. Cihaz tək nüvəli və çoxnüvəli testlərdə 2139 və 7110 bal toplayıb.

Paşa Məmmədli