2023-cü maliyyə ilinin dördüncü rübündə "Apple"ın gəliri keçən illə müqayisədə 1% azalaraq 89,5 milyard dollar təşkil edib. 

Valyuta.az xəbər verir ki, bu barədə İT nəhənginin maliyyə hesabatına istinadən CNBC məlumat yayıb.

Dördüncü rübdə "Apple"ın ən böyük itkisi "Mac" kompüterləri olub: onlar şirkətə illik müqayisədə 34% azalaraq 7,6 milyard dollar qazandırıblar. 

Planşet seqmentində də böyük azalma (10%) qeydə alınıb - "Cupertino"dan olan İT nəhəngi "iPad"də 6,4 milyard dollar qazanıb. Gəlirdə bir qədər azalma "Apple Watch", "AirPods" və digər aksesuarların satışından da baş verib: gəlir 9,6 dollardan aşağı düşüb, 2022-ci ilin dördüncü rübündə bu il 9,6 milyard dollara çatıb.

Eyni zamanda, "iPhone"dan gələn gəlirlər, əksinə, illik müqayisədə 2%-dən çox artaraq 43,8 milyard dollara çatıb. "Apple Music” kimi məhsulların daxil olduğu rəqəmsal xidmətlər seqmenti də güclü artım nümayiş etdirib (19,2 milyard dollardan 22,3 milyard dollara qədər).

Yuxarıda qeyd edildiyi kimi, "Apple"ın ümumi gəliri illik müqayisədə 1% azalaraq 89,5 milyard dollar olub, lakin analitiklərin gözləntilərindən yüksəkdir. Onlar gəliri 89,28 milyard dollar proqnozlaşdırırdılar. Bu xəbər fonunda "Apple" səhmləri 3% ucuzlaşıb. Şirkətin bayram dövründə bu enişi tez bir zamanda bərpa edəcəyi gözlənilir.

CNBC ilə söhbətində "Apple" CEO-su Tim Kuk bildirib ki, hazırda "iPhone 15" seriyasından olan əsas smartfonlar keçən ilki "iPhone 14" modellərindən daha yaxşı satılır. 

Paşa Məmmədli