"Huawei" Çində bir sıra üstün xüsusiyyətlərə malik olan "Nova 11SE" adlı yeni orta qiymətli smartfonunu təqdim edib.

Valyuta.az xəbər verir ki, bu barədə "GSMArena" məlumat yayıb.

"Nova 11SE" Full HD+ təsvir ölçüsünə və 90 Hz-ə qədər yeniləmə tezliyinə malik 6,67 düymlük OLED ekranla təmin edilib. Ön kamerada 32 meqapiksellik təsvir ölçülü "o" formalı kəsik var ki, bu da videonu 1080p-ə qədər təsvir ölçüsündə qeyd edir.

Performans üçün altı nanometrlik proses texnologiyasından istifadə etməklə hazırlanmış, 2,4 GHz-ə qədər takt tezliyinə malik səkkiznüvəli "Qualcomm Snapdragon 680" prosessoru cavabdehdir. Operativ yaddaşın miqdarı açıqlanmır. Daxili yaddaş 256 və ya 512 GB ola bilər.

"Nova 11SE" qalınlığı cəmi 7,39 mm və çəkisi 186 qram olan çox nazik korpusa malikdir. Eyni zamanda, smartfon 66 Vt-a qədər sürətli doldurma dəstəyi ilə inteqrasiya olunmuş böyük 4500 mAh batareyaya malikdir. Şarj cihazı smartfonla birlikdə verilir.

Yeni "Huawei" məhsulu xüsusi "HarmonyOS 4" əməliyyat sistemində işləyir. Əlavə seçimlərə NFC və ikili SİM kart yuvası daxildir.

Smartfon artıq Çində 1999 yuana satılır ki, bu da təxminən 464 manat deməkdir. 

Paşa Məmmədli