X sosial şəbəkəsinin (keçmiş Twitter) sahibi İlon Mask gələcəkdə "YouTube" və "LinkedIn" sosial şəbəkələri ilə rəqabət aparmaq niyyətindədir. 

Valyuta.az xəbər verir ki, bu barədə "Bloomberg" mənbəyə istinadən məlumat yayıb.

Onun sözlərinə görə, Mask və X şirkətinin baş direktoru Linda Yakkarino Maskın "Twitter"i əldə etməsindən sonra bir ili yekunlaşdıran cümə axşamı sosial şəbəkə işçilərinin ümumi yığıncağında diqqəti “bu iki sayta” çəkib. Agentliyin həmsöhbətinin sözlərinə görə, onun rəhbərliyi Cision-un PR Newswire xəbər xidməti ilə rəqabət aparacaq XWire adlı xəbər xidməti yaratmaq niyyətini də açıqlayıb.

Bloomberg qeyd edir ki, Mask və Yakkarino komanda ilə YouTube və LinkedIn ilə rəqabət aparmaq üçün hazırlanmış məhsulların necə görünəcəyi ilə bağlı konkret fikirləri bölüşməyiblər. X işçilərinə göndərilən bir memoya görə, şirkət "artıq böyüməyə hazırdır" və platforma "yalnız 12 ay ərzində on il üçün yeniliklər edəcək" olduğuna inanır.

Oktyabrın 26-da Mask X sosial şəbəkəsində audio və video zəng funksiyalarının peyda olduğunu elan edib. Əvvəllər o, bunun iOS və Android platformalarında, eləcə də adi kompüterlərdə, o cümlədən Apple məhsullarında əlçatan olacağını bildirmişdi.

27 oktyabr 2022-ci ildə Mask "Twitter"i almaq üçün 44 milyard dollarlıq müqavilə bağlayıb. 2023-cü ilin may ayında "Bloomberg" aydınlaşdırıb ki, sosial şəbəkənin hazırkı dəyəri onu aldığı qiymətdən üçdə iki dəfə aşağıdır. 

Nicat