"Apple"ın bir müddət öncə satışa çıxardığı "İPhone 15" seriyasını əhatə edən smartfonlarda istilik problemi olduğu üzə çıxıb.

Valyuta.az xəbər verir ki, bəzi istifadəçilər hətta həddən artıq qızma səbəbindən cihaza toxuna bilmədiklərini deyirlər. Bununla bağlı "Reddit" sosial şəbəkəsində yayılan foto insanları şübhəyə salıb. 

Fotoda "iPhone" 15 Pro"nun korpusunun qızması səbəbindən qabaran və ekranı qutudan ayıran akkumulyator görünür. İstifadəçi "iPhone 15 Pro"nu bu həftənin əvvəlində aldığını, lakin batareyanın şişdiyini heç vaxt hiss etmədiyini söyləyib. Bu, ancaq üzərinə qoruyucu yerləşdirməyə cəhd edildikdən sonra ortaya çıxıb və aksessuar düzgün oturmadığından ekranın aşağısına doğru çıxan batareyanın şişdiyi görünüb.

Digər tərəfdən, "iPhone 15s"də batareyanın həddən artıq qızması ilə bağlı bəzi fikirlər var. "Apple"in analitiki Minq-Çi Kuonun fikrincə , "iPhone 15 Pro", həmçinin "iPhone 15 Pro Max" titan korpus və qeyri-kafi soyutma həlli səbəbindən qızır. "iPhonedo"ya görə , cihazlar xüsusilə Instagram açıq olduqda ciddi şəkildə bu cür problem yaşayır. 

Elmir