"Meta" 100-ə yaxın dildə həm mətni, həm də nitqi tərcümə edə və transkripsiya edə bilən "SeamlessM4T" süni intellekt modelini yaradıb. Sonradan bu tərcümə imkanları şirkətin sosial şəbəkələrinə inteqrasiya olunacaq.

Valyuta.az xəbər verir ki, bu barədə "TechCrunch" məlumat yayıb.

"Meta" iddia edir ki, "SeamlessM4T" süni intellektin köməyi ilə tərcümədə "əhəmiyyətli bir irəliləyişdir".

Qeyd olunur ki, "Meta" modeli qeyri-kommersiya istifadəsi üçün ictimaiyyətə təqdim edib. Şirkət artıq bu il bir çox pulsuz süni intellekt modellərini, o cümlədən "Llam"a adlı böyük dil modeli də buraxıb.

Şirkətin baş direktoru Mark Zükerberq deyir ki, açıq süni intellekt ekosistemi "Meta"nın xeyrinə işləyir, çünki şirkət modellərə daxil olmaq üçün ödəniş almaqdansa, sosial platformaları üçün istehlakçıların üzləşdiyi alətlərin yaradılmasında səmərəli kraudsorsingdən daha çox faydalana bilər.

"SeamlessM4T" "Meta"nın "No Language Left Behind" maşın tərcüməsi modelinin, eləcə də Hokkien dilini (Çin ləhcəsi) dəstəkləyən bir neçə birbaşa tərcümə sistemlərindən biri olan "Universal Speech Translator"un davamçısıdır. Model 1100-dən çox dil üçün nitqin tanınması, identifikasiyası və sintezini təmin edən "Meta" çərçivə olan "Massively Multilingual Speech"ə əsaslanır.

Modeli hazırlayarkən "Meta" internetdən ictimaiyyətə ("on milyardlarla" cümlə üzrə) açıq mətn və (4 milyon saatlıq) nitq toplayıb.

Nicat