Başlıq sizə təəccüblü gələ bilər. 

Valyuta.az xəbər verir ki, bu, bizə bir az ritual və ya sirli görünə bilər, amma həqiqətən də internet yeddi fiziki açar və ona sahib olan yeddi nəfər tərəfindən idarə olunur. “The Guardian”da yer alan xəbərə görə, açarların sahibi olan bu insanlar hər il görüşür və yeni parollar istehsal edirlər.

Biz İngilis Dilində Təyin Olunmuş Adlar və Nömrələr üzrə İnternet Korporasiyasını (“Internet Corporation for Assigned Names and Numbers”, ICANN), internetlə əlaqəli sistemlərin idarə edilməsi və funksiyalarına cavabdeh olan, illik toplantılar vasitəsilə domenlərin qeydiyyatını, ötürülməsini və siyasətlərini tənzimləyən bir qurum kimi düşünə bilərik. ICANN özəl və dövlət tərəfdaşlığı kimi internetin əməliyyat sabitliyini qorumaq, rəqabəti təşviq, qlobal internet icmalarının daha geniş təmsil olunmasını təmin etmək və yerli, konsensusa əsaslanan proseslər vasitəsilə öz mandatına uyğun siyasətlər hazırlamaq üçün çalışır.

Sadə bir misal göstərək. İnternetdəki hər bir kompüterin “IP ünvanı” adlanan unikal ünvanı var . IP ünvanlarını (rəqəmlər sətirindən ibarət olan) yadda saxlamaq çətin olduğundan, DNS onları hərflər sətri (domen adı) ilə əvəz edir. Beləliklə, "192 .xxx .xxx" kimi nömrələrin yerinə "www. xxxxxxx .com yazaraq onları daha rahat şəkildə yadda saxlaya və əlçatan edə bilərsiniz.

Digər tərəfdən, xəta baş verərsə, ICANN məlumatlarını yenidən qurmaq və ya təkmilləşdirmək lazım ola bilər. Bu sistemin kilidini öz əlində saxlayan yeddi nəfər dünyanın müxtəlif yerlərində yerləşən və yeri bilinməyən seyfləri açır, oradan çıxan kartlar birləşdirildikdə master açar yaranır. Üçaydanbir master açar üçün yeni parollar müəyyən edilir. Əlavə olaraq daha yeddi nəfər seçilir və onlara açarların ehtiyat nüsxələri verilir. Qısası interneti cəmi 14 nəfər idarə edir. Bütün bunlar təşkilatın təhlükəsizliyi kimi elan edilsə də, əsl məqsədi  heç kim bilmir.

Elmir